پاکستانی نژاد آسٹریلوی کرکٹر فواد احمد نے کہا ہے کہ رواں سال آسٹریلیا میں شیڈول ٹی ٹوئنٹی ورلڈکپ میں پاکستان کے لئے بطور اسپن کنسلٹنٹ کی ذمے داریاں سنبھالنے کے لیے دستیاب ہوں۔
تفصیلات کے مطابق فواد احمد کو مارچ میں آسٹریلیا کے تاریخی دورہ پاکستان کے لیے پاکستان کا اسپن کنسلٹنٹ مقرر کیا گیا تھا اور وہ پاکستان سپر لیگ (پی ایس ایل) 2022 کے سیزن کا حصہ تھے ۔
ایک خصوصی انٹرویو میں کرکٹ پاکستان سے بات کرتے ہوئے فواد احمد نے کوچنگ کے حوالے سے اپنے مستقبل کے منصوبوں کے بارے میں بتایا۔
انہوں نے کہا کہ کھلاڑی بننے اور پھر کوچ بننے سے لے کر ہمیشہ ایک عبوری دور ہوتا ہےتاہم، میں اس عمل کے ساتھ ساتھ شروع کرنا چاہتا تھا اور میں پہلے ہی نوجوان کھلاڑیوں کے ساتھ مختلف کوچنگ سیشنز سے گزر چکا ہوں ۔
فواد احمد نے کرکٹ نہیں چھوڑی اور کم از کم مزید دو سے تین سال تک فرنچائز کرکٹ کھیلنے میں دلچسپی رکھتے ہیں۔ان کا کہنا تھا کہ دنیا بھر میں بہت سے لیگ اسپن کوچز نہیں ہیں لیکن میں کوچنگ میں آنے سے پہلے کم از کم 2-3 سال مزید فرنچائز کرکٹ کھیلنا چاہتا ہوں۔فواد احمد کا کہنا تھاکہ میرے لیے بطور اسپن کنسلٹنٹ آسٹریلوی ٹیم کے ساتھ منسلک ہونا بہت اچھا تجربہ تھا۔فواد احمد نے اس موقع پر اپنی یادیں شیئر کیں جب انہیں کرکٹ آسٹریلیا کی جانب سے اچانک کال موصول ہوئی اور انہوں نے دورہ پاکستان کے دوران کوچنگ اسٹاف میں شامل ہونے کے لیے اپنی رضامندی ظاہر کی ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News