شمالی وزیرستان میں پولیو وائرس سے متاثرہ ایک اور مریض سامنے آگیا ہے۔
ترجمان وزارت صحت کےمطابق رواں سال یہ پاکستان میں رپورٹ ہونے والا یہ چوتھا کیس ہے، اوراس سال تمام کیسزشمالی وزیرستان میں ہی سامنے آئے ہیں۔
محکمئہ صحت نے والدین سے درخواست کی ہے کہ ملک بھر میں پولیو مہم جاری ہے، خدارا اپنے بچوں کو مستبل میں کسی قسم کی معذوری سے بچانے کے لیے پولیو کے قطرے ضرور پلائیں۔
ترجمان کا کہنا ہے کہ پولیوکا خاتمہ موجودہ حکومت کی اولین ترجیح ہے، پولیوکے خاتمے کے لیے ہنگامی بنیادوں پرکام جاری ہے، میڈیا، سول سوسائٹی اورعلماء کرام عوام میں اس حوالے سے شعوراجاگرکرنے میں اپنا بھرپورکردارادا کریں۔
پولیو کے دوقطرے ہمارے بچوں کوعمر بھر کی معذوری سے بچا سکتے ہیں، پورے ملک میں 23 مئی سے پولیو مہم جاری ہے۔ پولیوکے قطرے پلانا اوربچوں کو بیماری سے بچانا ہمارا مذہبی اوراخلاقی فرض ہے۔ لیکن پولیوکے خاتمے کی اس جنگ کو والدین کی مدد کے بغیرنہیں جیتا جا سکتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News